DEDICADA A TÓDOLOS AMANTES DA NATUREZA

domingo, 12 de diciembre de 2010

As Gándaras de Budiño, un recuncho excepcional

As Gándaras de Budiño son un espazo de alto valor ecolóxico incluído na Rede Natura 2000. Ademais conta coas pegadas dos primeiros habitantes de Galicia, polo que son consideradas como un Ben de Interese Cultural.

Parte do seu recoñecemento vénlle dado porque alberga restos dos primeiros asentamentos humanos galegos do Paleolítico. Aquí atopaban auga abundante e materias primas. Centos de restos como picas, follas de coitelo, outros útiles de pedra, monumentos funerarios e castros na súa contorna, outórganlle un estatus único na nosa historia.

Pero o máis destacado das Gándaras de Budiño son a súa flora e fauna. Atopamos brazais, turbeiras, vexetación acuática, bosques de ribeira pero tamén unha rica variedade de fauna. 135 especies de aves e unha ampla representación de anfibios, réptiles e coleópteros. O sapoconcho común (esp tortuga europea, nc Emys orbicularis), lontra ( esp nutria, nc Lutra lutra), escornabois ( esp ciervo volante, nc Lucanus cervus) e aves como cerceta real (esp cerceta común, nc Anas crecca), falcón pequeno ( esp alcotán europeo, nc Falco subbuteo), picapeixe ( esp martín pescador, nc Alcedo atthis), garza real ( esp garza real, nc Ardea cinerea), garza imperial ( esp garza imperial, nc Ardea purpurea), lavanco real ( esp ánade azulón, nc Anas platyrhynchos) ou tartaraña das xunqueiras (esp aguilucho lagunero, nc Circus aeruginosus), e un longo etc.

A pesar de todo isto, a crecente presión industrial na zona, a construción prevista do enlace para o tramo do AVE dende Porriño a Portugal, verteduras e desterres, e o abandono irreparable por parte da administración desde espazo ecolóxico único, sitúanno nun futuro incerto. Compatibilizar o desenvolvemento económico co mantemento da nosa biodiversidade e do noso patrimonio, está na nosa man.

2 comentarios:

  1. Boas Miguel, a verdade e que pese a cantidade de agresions que levou e leva, ainda e incrible que se manteña esa biodiversidade a so 15 km da cidade mais grande de Galicia, e no medio de dous (que van a ser 3) poligonos industriales, autovia, autopista, e coma ti comentas AVE..
    Esperemos que sexa posible manter o que queda das Gandaras.

    Saudos

    ResponderEliminar
  2. Ola,
    É unha loita entre a natureza e a industria. A pesar de tódalas agresións que sufriu, todavía consegue resistir, e este pequeno recuncho rezuma vida rodeado de estradas e polígonos. O seu futuro é incerto xa que sempre está no punto de mira dalgún novo proxecto. De tódolos xeitos, agardo que entre todos sepamos conservala.

    Non coñecía o blog de http://ashega.blogspot.com/. Moi interesante e didáctico para mín, que sempre tiven moita curiosidade por cada anfibio e reptil que vía,
    pero sobre os que non teño demasiado coñecemento. Noraboa

    ResponderEliminar