![](https://blogger.googleusercontent.com/img/b/R29vZ2xl/AVvXsEibYX42hAHV6N6HQh0wHbCw22ib5nnSOANQ-7zaydM2oglm-RXELFx_Ofj04NlkBt-QVRh4yu9JnK0Q4ZbyI_DM5M_VymKXHdyShKix-BlloVygSv9IeEH9DEhODHTVHuvgDPs74i1y1i3C/s400/mi%C3%B1ato+real+mi%C3%B1ato+Suido.jpg)
Semella que o Miñato real (esp; Milano real, lat; Milvus milvus) sucumbiu ó encanto do Suído. Por segundo ano consecutivo déixase ver na zona sur no mes de agosto. Se cadra polas escasas oportunidades que teño de velo e pola súa beleza, cada encontro tornouse en ledicia. É certo que nalgún intre foi preocupación. Cando observas unha ave arrimarse e xirar cerca das aspas dos aeroxeradores, a ledicia da paso á angustia.
Especie estival e pouco común en Galicia. Aínda que de aspecto semellante ó Miñato Negro ( esp: Milano negro, lat; Milvus migrans), distínguese facilmente pola cor prateada da súa cabeza, os tons máis claros e a súa cola máis gallada. En voo, como se pode apreciar na imaxe de cabeceira, mostra a parte media das ás de cor branca rematando estas en puntas negras. Semella ser un exemplar inmaturo porque ten a cabeza algo escura, e a cola menos gallada.
Os Milvus milvus que aniñan máis ó norte de Europa,desprázanse ó sur para invernar, chegando algúns ó norte de África.
Agardemos que se manteña a tendencia, e o vindeiro verán gocemos novamente do seu planar no Suído.
![](https://blogger.googleusercontent.com/img/b/R29vZ2xl/AVvXsEh4A2Mzk7abhkluzBzB6u-q6Q7sPzp5J9oQHHFgCCJwGjttr655K_Bwyzv3Ib_IcEKuNcigIgKfKNZbYYmiGe24iKFEBjSNP_wP8O7rtaPMDLxvPPM8KF9tQNluh9kHBvUfgW4svTy3t0nb/s400/Milano+real++mi%C3%B1ato+suido++2.jpg)
No hay comentarios:
Publicar un comentario