![](https://blogger.googleusercontent.com/img/b/R29vZ2xl/AVvXsEgv4JkkvlxUSVU5-X9JnsC-FcUlrBAeo1ECxbU3a7aMfvZQ0nZLP-w3-6IE0E0rBT1RYAaNbVnq04VK2qu4R9llGYoAFOIWroA-Qs-3oFriR6z2YXFQK6ur_P4sZUbvAz9XW1Do8wLWye4f/s400/coto+de+bidueiros.jpg)
Unha vez máis, o afán de lucro impulsa a ampliación dos parques eólicos na serra do Suído. O pasado 25 de maio, publicouse no DOG a instalación de novos parques eólicos e ampliación dos xa existentes na nosa Comunidade.
Novamente o interese privado prevalece sobre o interese público. A empresa Eurovento pretende ampliar o parque eólico na serra do Suído (pendente de incluírse na Rede Natura) para rematar de estraga-lo valioso patrimonio que alberga. Resulta sorprendente que este mesmo proxecto que fora presentado con anterioridade (2007) e desbotado pola Xunta por motivos de conservación ambiental, tres anos despois é aprobado. O alto valor natural da serra que hai uns anos era recoñecido e valorado, agora desbótase.
A nova infraestrutura desprazaría un grupo reprodutor tradicional de lobo ibérico ocupando o núcleo do seu territorio. Se a isto lle sumámo-la intención de instalar preto unha canteira, a perda de hábitat e as perturbacións derivadas do tránsito de persoas ocasionarían demasiada presión para uns animais que xa hoxe sobreviven nunhas condicións extraordinariamente difíciles.
Témo-la obriga de protexe-lo noso, a terra da que formamos parte. Calquera axuda para tentar para-lo proxecto é benvida.
![](https://blogger.googleusercontent.com/img/b/R29vZ2xl/AVvXsEhBhlzKTCknLh21v4YfgPloyLIRcuofe0Hygljygw25nqYTPnWvyb3VQWQdyDhe6wIPLiO3gHyjZwyPlE1e0_WHm_H-F9c_C56lnYkwECwTCtGqSMWf9UhTGGM6qqyhcaV708gvS50-tA9A/s400/eolicos+suidoefaro_red.JPG)