DEDICADA A TÓDOLOS AMANTES DA NATUREZA

miércoles, 2 de junio de 2010

Orballiñas: as plantas carnívoras do Suído

Cando chego ó Suído a tranquilidade, o recendo antigo e natural doutro tempo, convídanme a adentrarme na súa intimidade deixando as miñas pegadas nos camiños gastados. A variedade e riqueza natural que atesoura a serra máis aló de lobos, rapaces, turbeiras, fragas, chozos, ríos e foxos, é sorprendente. Nas zonas máis encharcadas atopámo-la Orballiña (Drosera Rotundifolia). Estas fermosas plantas carnívoras aliméntanse de insectos ós que atraen pola cor vermella das súas follas. Ó pousarse nelas quedan atrapados nos pegañentos tentáculos e son dixeridos por encimas que disolven os seus corpos. Esta planta pequena e loitadora que habita en terreos moi pobres en nutrientes e ácidos, adaptouse ó medio para sobrevivir a base de insectos da mesma maneira que moitos animais insectívoros.

A pesar das agresións dos parques eólicos, pistas e estradas, a serra aloumiña a tódolos que nos achegamos a visitala. Témo-la obriga de preservar este xoia da dorsal galega.

No hay comentarios:

Publicar un comentario